قصيدة: قهوة بلدي

أ/ أحمد عمرو أخصائى اكلينيكي

قهوة بلدي .. فيها ولَدي ... لسه راجع م الأرياف

باع في أرضي .. أستغل مرضي ... ولا من طيبتي وشيبتي يخاف

في القهوة بيطلب طلبات ... وبيلعب دومنه وشطرنج

وأنا متشحطط في العيادات ... متألم وأنا واخد بنج

في القهوة خلع الجلبية ... بقى يلبس بدلة وكرافته

وأنا جَاري طالب الجمعية ... وفضحني كدا أهو في الحته

في القهوة قاعد مع شلة ... وبيشرب سحلب وعصير

وأنا بشرب ميه من القلة ... وأنا فارش ع الأرض حصير

في القهوة جايب سمسار ... عايز يشتري فيلا وأرض

وأنا وأمه خايفين ع الدار ... م الزلزال لا ننام ع الأرض

في القهوة أنا ابني نسيني ... ونسي أمه ونسي نفسه كمان

      والله يا ابني دا كان على عيني ... دأنت اللي عشقت الحرمان

رقم حساب الجمعية داخل و خارج مصر 65993